Samarqand davlat chet tillar institutida tahsil oluvchi Roman-german tillari fakulteti 3-bosqich talabasi Zarina Ro'zimurodova ''Islom Karimov Davlat stipendiyasi''ga, Tarjima nazariyasi va amaliyoti fakulteti 3-bosqich talabasi Shaxram Aslanov ''Alisher Navoiy Davlat stipendiyasi''ga hamda Roman-german tillari fakulteti 3-bosqich talabasi Aziza Alangova ''Alisher Navoiy Davlat stipendiyasi”ga sazovor bo'lishdi.

Institutda xuddi shunday davlat stipendiyantlarini ko’paytirish maqsadida Tarjima nazariyasi va amaliyoti fakultetida institut ilmiy ishlar va innovatsiyalar bo'yicha prorektor Sh.Ashurov, fakultet dekani B.Odilov, fakultet dekani o’rinbosarlari hamda talabalar ishtirokida uchrashuv bo’lib o’tdi.

Uchrashuvda ilmiy ishlar va innovatsiyalar bo'yicha prorektor Sh.Ashurov ilmiy faoliyat, ilmiy tadqiqot bilan shug’ullanish to’g’risida hamda ilmiy maqolalarni OAK ro’yxatidan o’tgan jurnallarda chiqarish sirlari haqida gapirib o’tdi. Shuningdek, nomdor davlat stipendiyalari sohib va sohibalari o’zlarining tajribalarini talabalar bilan bo’lishdi.

Uchrashuv qizg’in savol-javoblarga boy tarzda yakunlandi.

SamDCHTI Axborot xizmati