Bugun Oliy va o‘rta maxsus ta’lim vazirligi bosh boshqarma boshlig‘i Abduvali Xoliqov Samarqand davlat chet tillar institutining rahbariyat vakillari, fakultet dekanlari, kafedra mudirlari hamda professor-o’qituvchilari bilan uchrashuv o’tkazdi.

Uchrashuv davomida o'quv-metodik hujjatlar hamda professor o'qituvchilarning yangi o'quv yiliga tayyorgarlik holati, shuningdek, kafedralarning o’tgan o’quv yilida amalga oshirgan ishlari, ish o’rinlarining taqsimoti, professor-o'qituvchilarga ajratilayotgan dars soatlari muhokama qilindi.

Jumladan, yangi o’quv yili o’quv jarayonlariga yangi qo'shilayotgan fanlar, o'quv rejalarning tayyorgarlik holati, tanlov fanlariga ajratilgan soatlarning taqsimlanishi ko’rib chiqildi.

SamDCHTI Axborot xizmati