Toshkentdagi Webster universiteti professori Basiyor Rodney hamda Samarqand davlat chet tillar instituti rektori Ilhomjon To’xtasinovlar o’rtasida rasmiy uchrashuv tashkil etildi.

Ta’lim tizimida olib borilayotgan islohotlar, haligacha dolzarb muammo bo’lib turgan tizimdagi jihatlar va ularga yechim topish, hamkorlikda o’quv darsliklari va adabiyotlar yaratish, talabalar hamda professor-o’qituvchilar tajribasini oshirishda innovatsion hamda pedagogik texnologiyalarning o’rni kabi mavzular yuzasidan fikr-mulohazalar almashinildi uchrashuv chog’ida.

Uchrashuvdan so’ng institutda tahsil oluvchi magistrantlar ishtirokida “Ta’lim jarayonidagi muammolar” (Challenges in Education) mavzusida suhbat darsi bo’lib o’tdi. Dars jarayoni qizg’in savol-javoblarga boy bo’ldi. Jarayon so’ngida kelgusida suhbat darslarini muntazam tashkil etishga kelishildi.

SamDCHTI Axborot xizmati