Bugun, 22-sentabr kuni Belorus Respublikasining Minsk davlat lingvistika universiteti rektori Nataliya Yevgenevna Lapteva boshchiligidagi delegatsiya Samarqand davlat chet tillar institutiga tashrif buyurdi. 

Tashkil etilgan rasmiy uchrashuvda kelgusida qo’shma ta’lim dasturlarini tashkil etish, hamkorlik aloqalarini muntazam davom ettirish, professor-o’qituvchilar hamda talabalarning tajribasini oshirish, hamkorlikda o’quv adabiyotlari hamda darsliklar yaratish kabi yo'nalishlarda hamkorlik olib borish muhokama qilindi.

Shuningdek, rasmiy uchrashuv davomida Minsk davlat lingvistika universiteti va Samarqand davlat chet tillar instituti o’rtasida hamkorlik Memorandumi imzolandi. 

Shuningdek, rektor Nataliya Yevgenevna Lapteva Samarqand davlat chet tillar institutining rus tilini o’rganayotgan talabalari uchun “Belorus Respublikasida ta’lim” mavzusida ma’ruza o’qidi.

SamDCHTI Axborot xizmati