Samarqand shahri kuni munosabati bilan o’tkazilayotgan tadbirlar doirasida Samarqand shahar “TRASTBANK” XAB Samarqand filiali yangi binosining ochilish marosimi o’tkazildi va foydalanishga topshirildi.

Bankning Samarqand fililali 2012-yilda tashkil etilgan bo’lib, ilgari binoda mijozlar uchun avtomobillar turar joyi mavjud bo’lmaganligi, amaliyot zalining esa torligi hamda xonalarning maydoni kam bo’lganligi sababli mijozlar bo’limlarga kira olmagan. Foydalanishga topshirilgan yangi binoda esa bu kabi muammolarning barchasi o’z yechimini topgan, desak mubolag’a bo’lmaydi.

Binoning ochilish marosimiga tashrif buyurgan viloyat hokimi Erkinjon Turdimov nutq so’zlab, tadbirni ochib bergandan so’ng, marosim qatnashchilari yangi bank binosida yaratilgan shart-sharoitlar bilan yaqindan tanishish imkoniyatini qo’lga kiritdilar.

 

SamDCHTI Axborot xizmati