Tashrif davomida rektor o‘quv binolarida talaba va professor-o‘qituvchilar uchun yaratilgan sharoitlar, kutubxona fondining darslik va o‘quv qo‘llanmalari bilan ta’minlanish holati hamda bino va inshootlarning kuz-qish mavsumiga tayyorgarligini ko‘zdan kechirdi. Mavjud kamchiliklarni bartaraf etish bo‘yicha masʼullarga topshiriqlar berdi. 

Professor-o‘qituvchilar bilan bo‘lgan uchrashuvda o‘tgan o‘quv yilidagi yutuqlar sarhisob qilinib, 2025–2026-o‘quv yili uchun ustuvor vazifalar belgilab olindi. Jumladan, ilmiy-uslubiy, pedagogik va ma’naviy-ma’rifiy faoliyatni yana-da yuksaltirish bo‘yicha muhim vazifalar ilgari surildi.

Bahodir Xoliqov, shuningdek, 1-bosqich talabalari bilan ochiq muloqot o‘tkazdi. Unda ilm olish va til o‘rganishning dolzarbligi, ilmiy maqolalar yozish va tadqiqotlar olib borish, fan olimpiadalari, ko‘rik-tanlovlar va sport musobaqalarida faol ishtirok etish bo‘yicha taklif hamda tavsiyalar berdi. Talabalar uchun yaratilayotgan imkoniyatlardan oqilona foydalanish muvaffaqiyatli ta’limning kaliti ekanligi taʼkidlandi!