Samarqand davlat chet tillar institutida 2026-yil 27-oktabr kuni talaba va magistrlar uchun “Eng yaxshi kreativ g‘oya” respublika tanlovining oliygoh bosqichi bo‘ladi.

Tanlovda ishtirokchilarning kreativ g‘oyalari institut saralash komissiyasi tomonidan ko‘rib chiqiladi va eng yaxshi deb topilgan 3 ta g‘oya tanlovning respublika bosqichiga tavsiya etiladi.

Saralashdan o‘tgan loyihalar Respublika tanlov komissiyasi oldida himoya qilinadi va g‘oliblar aniqlanadi.

Grantlar (Respublika miqyosida jami 300 mln so‘m) bo‘lib, 1-o‘rin (1 ta loyiha) – 100 mln so‘m, 2-o‘rin (2 ta loyiha) – 50 mln so‘mdan hamda 3-o‘rin (4 ta loyiha) – 25 mln so‘mdan pul mukofotlari bilan taqdirlanishadi.

Tanlovda ishtirok etish istagini bildirgan talabalar ism-familiya va taqdimot (prezentatsiya) ishlarini Telegramdagi @abdu_r01 profiliga yuborishlari lozim. Bir talaba muallif sifatida faqat 1 ta loyiha bilan, jamoa a’zosi sifatida esa ko‘pi bilan 2 ta loyiha bilan qatnashishi mumkin.

Loyihalar institut saralash komissiyasi qarshisida taqdimot (prezentatsiya) shaklida himoya qilinadi.

G‘oliblar 2027-yil yanvar oyining oxirgi 10 kunligida taqdirlanishadi hamda venchur fondlar, investorlar va akseleratorlar bilan tanishtiriladi.

Batafsil ma'lumotni Tanlov nizomi orqali olishingiz mumkin.

Samarqad davlat chet tillar instituti Axborot xizmati