O‘zbekiston Respublikasi Vazirlar Mahkamasining 2019-yil 25-fevraldagi 133-f-sonli farmoyishi bilan tasdiqlangan “O‘zbekiston Respublikasida 2019-yilda xalqaro va respublika miqiyosida o‘tkaziladigan ilmiy va ilmiy-texnik anjumanlar rejasi”da belgilangan tadbirlarni amalga oshirish va O‘zbekiston Respublikasi Oliy va o‘rta maxsus ta’lim vazirligining 2019-yil 28-fevraldagi “Vazirlik tizimidagi oliy ta’lim va ilmiy-tadqiqot muassasalarida 2019-yilda o‘tkaziladigan ilmiy va ilmiy-texnik anjumanlar rejasini tasdiqlash to‘g‘risida”gi №205-sonli buyrug‘ida belgilangan tadbirlarni amalga oshirish maqsadida Samarqand davlat chet tillar institutida joriy yilning 10-oktabr kuni “Xorijiy tillarni o‘rganishning innovatsion texnologiyalari” mavzusida xalqaro ilmiy-amaliy anjuman o‘tkazildi. 

Anjumanda institut rahbariyati vakillari, professor-o‘qituvchilar, xorijlik mutaxassislar hamda barcha qiziquvchi talaba-yoshlar o‘zlarining maqola va tezislari bilan ishtirok etishdi.

Anjuman doirasida yalpi majlis va quyidagi seksiyalar tashkil etildi:

•Xorijiy tillarni o‘qitishda innovatsion texnologiyalar;
•Xorijiy tillarni o‘qitishning axborot va pedagogik texnologiyalari;
•Xorijiy tillar yo‘nalishida onlayn kurslar yaratish va o‘quv jaryoniga joriy etish;
•Maktabgacha ta’lim yo‘nalishida xorijiy tillarni o‘qitishning innovatsion texnologiyalari;
•Xorijiy tillarni o‘qitishda ma’lumotlar bazasi va elektron kutubxona progressiv metodikasi;
•Yuqori reytingli jurnallarda ilmiy maqolalarni ingliz tilida chop etish.

Anjuman o‘zbek, rus hamda ingliz tillarida olib borildi. Anjuman materiallari to‘plam shaklida chop etildi va nashrdan chiqarildi. 

SamDCHTI axborot xizmati