Samarqand davlat chet tillar instituti

Samarqand davlat chet tillar instituti 1994-yil 8-noyabrda O‘zbekiston Respublikasi Prezidentining farmoni bilan tashkil etilgan. 

1994-yil “Nemis tili va Fransuz tili fakultetlari” tashkil etilgan.
1995-yil “Ingliz filologiyasi fakulteti” hamda “Sharq tillari fakultet”lariga asos solingan. 
2005-yilda “Roman-german tillari fakulteti” o‘z faoliyatini boshlagan. 
2014-yil Xorijiy til (ingliz tili) va adabiyoti yo‘nalishi ochildi. Shu yildan boshlab “Ingliz tili fakulteti”ga asos solindi.
2018-yil 2-noyabrda Ingliz tili fakulteti negizida “Ingliz tili I” hamda “Ingliz tili II” fakultetlari tashkil etildi. 
2021-yil 1-iyulda “Ingliz filologiyasi va tarjimashunoslik fakulteti” tashkil etildi hamda “Xorijiy til va adabiyoti: ingliz tili”, “Maktabgacha va boshlang‘ich ta’limda xorijiy til: ingliz tili” ta’lim yo‘nalishlari bo‘yicha kadrlar tayyorlashga ixtisoslashgan “Narpay Xorijiy tillar fakulteti” faoliyati yo‘lga qo‘yildi. Shu yili “Payariq xorijiy tillar fakulteti” ham o‘z faoliyatini boshlagan. 
2023-yil 1-yanvarda “Kechki ta’lim fakulteti” tashkil etilgan.
2024-yil institut kengashi tomonidan Ingliz tili I va Ingliz tili II fakultetlari birlashib “Ingliz tili fakulteti” o‘z faoliyatini davom ettirdi.

Dastlab institutda 500 ga yaqin talaba tahsil olgan bo‘lsa, bugungi kunga kelib talabalarning soni 13 ming nafarni tashkil qiladi (2025-yil yanvar oyi holatida). Institutda    8 ta fakultet va 25 ta kafedra faoliyat yuritib kelmoqda, 20 ta bakalavriat yo‘nalishi va 15 ta magistratura mutaxassisliklari bo‘yicha kadrlar tayyorlanmoqda. 
Institutda 531 nafar professor-o‘qituvchi faoliyat olib boradi, ulardan 26 nafari fan doktori, 28 nafari fan nomzodi, 75 nafari falsafa doktori (PhD) unvoniga ega. Ulardan         25 nafari professor va 68 nafari dotsent, shuningdek, o‘rindoshlik asosida ilmiy darajaga ega xodimlar soni 37 nafarni tashkil qiladi. 

Samarqand davlat chet tillar instituti Janubiy Koreya, Xitoy, Yaponiya, Germaniya, Polsha, Belgiya, Rossiya Federatsiyasi, Buyuk Britaniya, Ispaniya, Fransiya, Italiya, AQSh, Turkiya, Ummon Sultonligi, Tojikiston, Qozog‘iston, Qirg‘iziston, Malayziya, Meksika hamda Indoneziya kabi davlatlarning yuzlab oliy ta’lim muassasalari bilan memorandumlar imzolanib, hamkorlik aloqalarini yo‘lga qo‘ygan.