Tashkil etilganidan buyon kafedra Rossiya Federatsiyasining bir qator markaziy oliy ta’lim muassasalari bilan faol hamkorlik qilib kelmoqda. Xususan, Saint Petersburg State University bilan shartnoma imzolangan bo‘lib, SamDCHTI bazasida TRKI test markazi ochilgan.

Markaz ochilgan kundan boshlab har oy test sinovlari o‘tkazilib kelinmoqda va 1000 dan ortiq shaxslar TRKI xalqaro sertifikatini qo‘lga kiritgan.

2026-yil mart oyida Voronej davlat universiteti delegatsiyasi qabul qilindi va oliy ta’lim muassasalari o‘rtasida hamkorlik to‘g‘risida shartnoma imzolandi.

Mazkur shartnoma asosida bir qator tadbirlar rejalashtirilgan bo‘lib, jumladan: talabalar almashinuvi bo‘yicha ta’lim dasturlarini ishlab chiqish, stajirovka dasturlarini yo‘lga qo‘yish, yozgi maktablarni tashkil etish hamda Rossiya Federatsiyasida amaliyot o‘tash dasturlarini amalga oshirish ko‘zda tutilgan.

Shuningdek, rus tili kafedrasi Nijniy Novgorod davlat lingvistika universiteti nomidagi N.A. Dobrolyubov bilan hamkorlik qilib kelmoqda. Kafedra Rossiya oliy ta’lim muassasasi tomonidan tashkil etiladigan konferensiyalar, seminarlar va turli tadbirlarda faol ishtirok etadi.