Uchrashuvda oliy ta’lim muassasalari o‘rtasidagi akademik hamkorlikni rivojlantirish, professor-o‘qituvchilarning tajriba almashinuvi, zamonaviy ta’lim texnologiyalarini o‘quv jarayoniga tatbiq etish hamda kelgusida bo‘ladigan qo‘shma loyihalarni amalga oshirish masalalari muhokama qilindi. Tomonlar ta’lim, ilm-fan va innovatsion pedagogika sohalarida o‘zaro manfaatli hamkorlikni yanada kengaytirishga tayyor ekanliklarini bildirishdi.

Tashrif doirasida O‘sh davlat universiteti Xalqaro ta’lim dasturlari kolleji professor-o‘qituvchilari SamDChTIning “Innovatsion ta’lim texnologiyalari va metodlari” kafedrasi tomonidan tashkil etilgan “Doska va bo‘rdan chat-botlargacha: o‘qitish jarayonining evolyutsiyasi” (“From Chalk to Chatbots: The Evolution of Teaching”) mavzusidagi seminar-treningda ishtirok etishmoqda.

Ishtirokchilar mazkur seminar-treningda zamonaviy pedagogik yondashuvlar, sun’iy intellekt vositalaridan ta’lim jarayonida samarali foydalanish, raqamli texnologiyalar asosida o‘qitish metodikasini takomillashtirish kabi masalalar yuzasidan fikr almashishadi.

Samarqand davlat chet tillar instituti Axborot xizmati