Kafedra O‘zDJTU, Alisher Navoiy nomidagi O‘zbek tili va adabiyoti universiteti, shuningdek, respublika oliy ta’lim muassasalaridagi Tarjima nazariyasi va amaliyoti kafedralari bilan yaqindan hamkorlik aloqalarini o‘rnatgan. 

Bundan tashqari Tarjima nazariyasi va amaliyoti kafedrasining quyidagi xorijiy oliy ta’lim muassasalari va xalqaro tashkilotlar bilan ham yaqindan hamkorligi yo‘lga qo‘yilgan:

1. E.A. Buketov nomidagi Qaragʻanda davlat universiteti (Qozogʻiston)

2. London metropolitan universiteti (Buyuk Britaniya)

3. Koruna universiteti (Ispaniya)

4. Adam Mitskevich universiteti (Polsha)

5. Gʻarbiy Attika universiteti (Gretsiya)

6. Indiana universiteti (AQSh)

7. Jorjiya davlat universiteti (AQSh)

8. Yuvyaskyula universiteti (Finlandiya)

9. Bryussel ozod universiteti (Belgiya)

10. 42-sonli Parij oliy maktabi (Fransiya)

11. Germaniya Akademiklar Almashinuvi Xizmati (Germaniya)

12. Xalqaro ta’lim bo‘yicha Amerika Kengashi (AQSh)

13. Mintaqaviy ingliz tilini o‘qitish ofisi (AQSh)

2017-yildan hozirga qadar kafedra o‘qituvchilari ishtirokida Germaniyaning DAAD (Germaniya Akademiklar Almashinuvi Xizmati) tashkilotining  "Go East"  dasturi doirasida xorijlik talabalar uchun "O‘zbek tili va madaniyati" yozgi va qishki maktablari tashkil etib kelinmoqda. 

Toshkentdagi AQSh elchixonasi, Xalqaro ta’lim bo‘yicha Amerika Kengashi va Mintaqaviy ingliz tilini o‘qitish ofisi bilan hamkorlikda 2022-2024-yillarda umumiy o‘rta ta’lim maktablari o‘quvchilariga ingliz tilini o‘qitish uchun mo‘ljallangan “English Access Micro Scholarship Program” xalqaro grant loyihasi amalga oshirildi.

Kafedra katta o‘qituvchisi T.Nasrullayeva “Access Microscholarship” dasturi doirasida 2023-yil 12-iyundan 2-avgustga qadar AQShning Jorjiya davlat universitetida tashkil etilgan 7 hafta (175 soat)lik ingliz tili o‘qituvchilari malakasini oshirish kursida ishtirok etish imkoniyatini qo‘lga kiritdi va xorijda malaka oshirib qaytdi. 

2023-yilning sentyabrida ta’lim sohasida Finlandiya tajribasini o‘rganish maqsadida bir guruh pedagog xodimlar, shuningdek, kafedra dotsenti O‘.Qo‘ldoshov ham Finlandiyada stajirovka o‘tab qaytdi. 

2017-2021-yillarda Koruna universiteti (Ispaniya), Adam Mitskevich universiteti (Polsha), Gʻarbiy Attika universiteti (Gretsiya) va boshqa hamkor OTMlar bilan hamkorlikda Erasmus+ dasturining “CLASS: Developing Interdisciplinary Master Program on Computational Linguistics for Central Asian Universities” loyihasi muvaffaqiyatli bajarilgan. 

Shuningdek, O‘zbekiston Respublikasi Prezidentining 06.11.2020-yil 6-noyabrdagi PF-6108 “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘gʻrisida” farmoni va PQ-4884 “Ta’lim-tarbiya tizimini yanada takomillashtirishga oid qo‘shimcha chora-tadbirlar to‘gʻrisida” qarori asosida Samarqand viloyatining Nurobod tumanidagi 43-46-umumiy o‘rta ta’lim maktablari bilan o‘zaro hamkorlik yo‘lga qo‘yildi. Hamkorlik doirasida maktab o‘qituvchilarining malakasini oshirish, o‘quvchilarni chet tillarni o‘rganishga qiziqtirish, ularning oliy ta’limga qamrovini oshirish chora tadbirlarini ishlab chiqishda maktablar bilan hamkorlik qilish, institut talabalarining maktablarda amaliyotini yo‘lga qo‘yish kabi bir qator o‘zaro hamkorlik faoliyat sohalari nazarda tutilgan.